我的父母 vs 貓 (vs 我)

那天三小姐來探貓貓，然後我們看了一會 usavich 後就離開去吃甜品了。皇太后在家裡看台劇。

有客人來訪時，二貓都不太肯睡。最後骰骰難敵睡意，伏在沙發邊半睡半醒了，但希希還是死撐跟著我們 (又擋住我們的電腦)。

吃完甜品，我送了三小姐去坐的士。回家前我打電話給皇太后，問她有沒有甚麼東西要我買回家。

「你呀，同朋友走左之後，佢地即刻去左訓喇，仲勁 sweet 囉，lam 黎 lam 去，又 larm 住一齊訓呀。」

「咦，咁 sweet 呀。咦係喎，你無親眼見過佢地咁 sweet 架喎。哎呀，但我一番黎到，開門，佢地實走埋黎迎接我，咁實分開唔一齊訓番啦。」

「係啦，實係啦!!!! 哎呀，咁你唔好番黎屋企喇。」

「!!!!!!」

「你番黎佢地實分開架，唔好番黎喇。」

「但我，o向條街度，無野做喎。」



「哎呀，你唔好番黎屋企喇。無野做，咪去會所睇報紙囉。」

「嗄???? 但如果係咁，都應該係我番黎屋企拎 d notes，再落去會所讀書啦。但我一番到黎屋企拎野，就無理由再落街架啦。」

「咁總之你就唔好番黎啦。」

「邊有阿媽叫個女唔好番屋企架。」

皇太后有點心虛，於是也笑了。



最後，我真的在街上流連了好一會，逛了一些我根本沒有東西要買的店，也逛了大百佳很久 (但其實我家裡早買入了足夠薯片，在超級市場我也真的沒東西可買)。

然後，還是要回家。一回家，打開門，就看到二貓睡眼惺忪地在門後迎接我。皇太后 (仍在看台劇!) 大叫 :

「哎呀! 係咪呢，佢地而家分開左喇!!!!! 正話勁 sweet 架!! 都叫你唔好番黎架啦!!!!!!!!!!!!!!」

嗚嗚。

***********************************

身在加拿大的老豆，有晚打回家 (他當地時間是早上)，跟皇太后報平安時聽到二貓大叫 (因為那時是他們晚餐的時間，而我正出入廚房準備食物)，就問貓怎麼了。

老豆在外地打電話回家，卻沒有問起我，嗚。

***********************************

又有一晚，希希吃飽飯開始睏了，便伏在沙發瞇起眼，準備睡覺。看到眼睛瞇呀瞇的 (持續五分鐘呀)，皇太后竟開始 keh keh keh keh 地笑。真的一直笑一直笑。

然後希希半夢半醒開始「o習 o習 o習 o習」地吞口水 (他很喜歡做的小動作，一做便非常起勁，「o習」聲很大!!)，皇太后更加狂笑了。

希希只是做回希希自己，竟引得皇太后坐在沙發上狂笑。厲害。