家庭會議

老豆: 咁樣落去都唔係辦法，希希骰骰次次食野都好似瘋左一樣。[註: 老豆真係講口語時用個「瘋」字。] 要諗個辦法。

迪: 上次阿媽要我去問，所以我真係問過 dr grace，希希骰骰每次見到我地整野食都好似餓鬼投胎咁，到底係咪正常。dr grace 話，家貓係咁樣，佢地 d 祖先成日有一餐無一餐，下餐都唔知仲有無得食，所以對食野係超級緊張，呢 d 性格無得改。相反有 d 貓種，你要求佢先肯食多兩啖，好似 d 波斯貓呀咁，油浸都唔會肥架。

老豆: 唉，呢 d 都唔知係咪叫做「物似主人型」。

迪: (但全家人食野最猴擒就係老豆喎。) XD!!!!! [positive sign of endorsing his own status as an OWNER of hey and dice!!! 第一次!!]

makpig: (望住老豆講) 係啦，一定係似主人。

迪: 咁即係似你啦，老豆。

老豆: .............

皇太后: 咁不如以後夜晚 o個餐唔好 o係個餐台上面食啦，佢地跳黎跳去，又伸手搶我地 d 碗，成日一唔覺意倒瀉就彈到全屋都係。

迪: (你拎好 d 個碗咪得囉。) 嗯......

makpig: 都有道理，反正早餐 o向你房食都係擺 o係個地下俾佢地食啦。唔攞咁高風險無咁高。

老豆: 我話呀，如果有人手 [註: event management?]，應該將佢地鎖 o係個走廊先，等你地整好晒 d 食物佢地先出黎食，唔好你地一路整佢地一路 o向個廳瘋左咁走黎走去跳上跳落。

迪: 但希希識自己開走廊門喎，真係要有個人企 o係個走廊門外阻止希希開門喎。

老豆: 所以咪話有人手就試 o下囉。

makpig: 好啦，咁我地試 o下啦。

** ** ** ** ** **

~ * ~ 希骰晚飯時間 ~ * ~

迪: 好喇，阿媽，放希骰出黎啦，我擺好晒 d 碗喇。

皇太后: 咁我放佢地出黎喇喎。

希骰從走廊怒奔至食物前，瘋狂地鯨吞 applaws。

皇太后 (滿有成功感地): 我有數呀，希希跳上個門柄 (想開門) 好多次。佢跳到第 12 次，骰骰就忍唔住跳左一次；然後希希又繼續跳，總共跳左 15、6 次。

希骰繼續「o習 o習 o習 o習 o習 o習 o習 o習 o習 o習 o習」怒食，的確跟老豆的食相好似。

皇太后: 咁咪幾好囉，放 o向個地下度食。

老豆 (從房間步出): 點呀，佢地食緊野 o拿?

皇太后: 今次咁樣開餐好好多!! 下次都盡量咁做啦。

老豆很滿意，慢慢走回房裡安睡去。


XDDDDDDD 這叫做啥?

這叫做群策群力!!!!!!!!!!!