希希絕育小記

一個人帶著近 16 磅的孩子上街，真是不容易。沒錯沒錯，現在孩子們的體重已大大增加嘍。希豬 4.4 kg (9.7 磅)，骰豬 2.8 kg (6.2 磅)，很厲害，對吧。(btw，「流星語」的客貨車服務又便宜又準時，雖然名字改得很差，但服務真的不錯!! 如有需要請在雅虎搜尋其公司網址。)


[一個人，三個袋!]

dr. betty 說 :

「嘩，全黑，好靚仔喎。」


[黑毛在籠子裡真的啥都看不清。]

「嘩，重左咁多!!! (咁有無超重呀佢?) 咁梗係無啦，男仔係要大隻 d 架。」

「(希希今朝睇到個妹有得食，自己無得食，勁嬲我囉。) 咁你應該要佢地兩個一齊禁水禁食丫 ma! (但係我唔捨得變相罰埋骰骰喎。) 點算係罰呢? 佢地要有義氣，一齊捱肚餓，無問題啦。」


[希希後來更索性用背脊對著我! 嗚嗚。]

「知唔知今日個手術要做 d 咩呀。(切左佢個蛋蛋卦…) 係，其實呢，係咁 o既。[畫了一個圖] 我會 o向兩個蛋蛋各「界」一刀，紮起佢，個蛋皮會自己慢慢好，唔駛番黎拆線架。(咁簡單? 咁方便?) 係呀，男仔，好容易架。話唔定今晚番到屋企已經紮紮跳咯。呢個手術算易架喇，我今日有另外兩個麻煩手術，講出黎，嚇死你呀。(得喇，咁我唔駛聽喇。)」

* .. * .. * .. * .. * .. * .. * .. * .. * .. * .. * .. * .. * .. * .. *

但骰骰的情況，令 dr. betty 皺起了眉頭。

骰骰一直都有口臭的問題。前陣子替公主刷牙的時候，我們發覺她的牙肉又紅又腫，而且一碰就流牙血了。

我打電話去診所詢問，醫生給了牙水 (由澳洲帶來的，別的診所買不到)，說先讓她試試，看情況有沒有改善。牙水試了數個星期，口臭有減少，牙肉雖腫但沒那麼紅，所以還是決定趁希希絕育順道帶骰骰去見 dr. betty。

醫生看了看骰骰的牙肉，便說 :

「(牙肉) 情況唔係好好喎… 好多貓貓都有類似問題。有 d 貓貓，因為本身免疫力 o既問題，自己 (免疫系統) 會打番自己，搞到牙肉 (流血) 好難好番。拿，咁啦，我先俾一 d 抗生素加消炎藥你同骰骰試 o下，睇 o下會唔會好轉。如果唔好轉，咁你就要帶骰骰番黎試試驗貓愛滋同埋白血球喇。如果唔係貓愛滋，咁可以試 o下用類固醇，但都係治標唔治本，一停用，就惡化番。有 d 貓貓或者要剝晒成棚牙，拿，我今日咪有兩單要剝晒 d 牙 o既手術囉。好慘架。(o下? 咁 d 貓貓幾多歲呀。) 差唔多一歲啦! (一歲就要剝晒 d 牙?) 無計啦，咁樣先真係幫到 d 貓貓。有 d 貓，可能要靠用針 (針炙)。」


[今次的藥，聽姑娘說，很好吃 (ie 容易餵)。]


[飽肚服，但要留意骰骰吃完藥會不會嘔吐。有些貓貓受不了這個藥。]

可能我的樣子已經呆掉 (很慌) 了，醫生便說 :

「我唔嚇你喇，拿，咁啦，你先俾骰骰食完呢個療程，睇 o下點，再決定帶佢番黎見我啦… 唔好咁驚住，我只係解釋 d 可能性俾你知 o者，唔一定有事 o既。」

但是 dr. betty 你說很多貓貓也有這個毛病的呀，我怎麼可能不擔心呀。

Btw 這是早前治骰骰蟲蟲的類固醇藥丸。因為骰骰的充分配合，我已成為餵藥丸達人了。



今早骰豬很乖地便了一點，我就順道帶了便便去化驗。希望蟲蟲拜拜，我們可以專心解決牙肉的問題啦。

大家想避免以上煩惱，千萬不要選摺耳貓呀 (我們覺得骰骰的底子那麼弱都是因為她的媽媽是摺耳貓)。唉，但有些時候，緣份也不是我們能完全控制的。